吳若希「Pink乳液」搽嘴
宅男女神吳若希（Jinny）罕有Deep V上陣，卻被同場的王璐瑤以「爆乳肉蒲臀」極速秒殺，輸在起跑「線」上的Jinny以奇招還擊，除了玩bra搞慶粉絲還想將「Pink Lin液」當唇膏搽嘴，十級重口味！
Jinny前晚以Deep V透視短裙出席內衣品牌活動，惟o靚模王璐瑤（LuLu）穿上多套性感內衣晒冷，爆乳上圍將Jinny極速秒殺。眼見「峰」頭被搶，當司儀介紹各款bra bra時，Jinny又摸又捏更嘟嘴扮謝安琪，相信令不少宅男腎上腺素狂飆。
掃push up bra
但最重口味的是，當大會介紹新產品乳頭粉嫩液時，Jinny尷尬傻笑問司儀：「其實可唔可以用嚟搽嘴？」引得全場爆笑。到受訪時，Jinny指台慶所穿的衫很性感，之後被朋友、粉絲鬧，話「畀人睇蝕晒」，而今次算是出席公開活動中最性感的一次：「其實我對自己身材冇乜信心，唔及LuLu『胸』湧。（有冇趁機掃豐胸胸圍？）買咗三個，有push up效果。」
LuLu雖然上圍逼爆，但bye bye肉、豪華臀相當礙眼，她說：「因為冬天食多咗嘢保暖，又好耐冇接性感工作，鬆懈咗。（肚皮有痕？）因為我着咗條緊身褲。」前緋聞男友余文樂可有見過其性感一面？她即劃清界線說：「冇見過，唔想再提呢個人。（樂仔近排桃花旺？）冇留意，我只想自己有桃花，搵個男友過聖誕。」
文：音樂組