阿Sa唔識波（火羅）爆學神
蔡卓妍（阿Sa）終於決定考車牌，考自動波貨Van牌的她自爆學車第一堂便擺烏龍上錯棍波車堂，阿Sa又說教車師傅讚她有天分，令她考牌信心十足，更未有牌先買車。
蔡卓妍昨日與衛詩雅及傅嘉莉等出席手袋品牌活動，阿Sa表示即將要考車牌路試。阿Sa是考自動波貨Van牌，她自爆第一次上學車堂，竟上錯了棍波堂，當上了一小時後，她見到車內有三個腳踏，與平時見的兩個腳踏不同，還問教車師傅是否每架車都有分別，師傅才說是棍波車，她始知白上了一課。
新車用SA牌
阿Sa又稱師傅讚她駕車有天分，她雖未考到牌，但已急不及待買了戰車，好姊妹容祖兒都力撐她，阿Sa謂：「祖兒話我考到牌，就借架車畀我用。（男友陳偉霆呢？）男仔成日都覺得女仔揸車好差，如果我考到，會靜靜雞攞佢架車揸。」問可會為戰車自定車牌？阿Sa說：「唔使，呢期車牌字母去到『SA』！希望過幾日會宣布『壞消息』，就係我考到牌。」
傅嘉莉有人追
同場的傅嘉莉指聖誕將與一班朋友到日本玩，她指團友中有追求者，不排除有機會變成男友，因雙方都有Feel，此行亦會睇樓，因她看好當地樓市有升值潛力。而衛詩雅正忙於拍電影《金雞SSS》，演妓女的她謂：「戲入面嘅嫖客高大靚仔，而戲中我哋都去嫖人。」
另外，陳偉霆昨拍攝電視節目時表示未買聖誕禮物給阿Sa：「最重要係同自己鍾意嘅人一齊過！」他又說會視乎阿Sa是否有空才決定會否一起過聖誕。
文：音樂組