諸葛早產6磅冰岐麟
諸葛紫岐（Marie）昨日透過公關公布喜訊，她與薛嘉麟首名愛兒提早在預產期前搶閘出世，BB重6磅，非常健康，母子平安，並已回家休息。Marie發放兩張B仔照片，一張見她緊抱BB在懷裏，一副有子萬事足的樣子，另一張則是一家三口的照片。
會跟族譜改名
Marie表示BB是薛家第一個孫，名字會跟族譜改，並要得到長輩同意，故她暫給兒子改名為「冰岐麟」，乳名則是「Little Ice Cream」。她說：「因為『岐麟B』喺冬天出世，所以加上冰字，叫『冰岐麟』。而乳名嘅意思除咗因為我同老公都鍾意食雪糕之外，冰淇淋嘅國語發音跟『冰岐麟』同音。」
Marie續說：「原本預產期喺聖誕節，但早排我突然肚痛，同老公去醫院睇急症，醫生突然同我講『BB早到了』，要馬上安排入院。老公陪住我，仲親自幫BB剪臍帶。」岐麟B面形、鼻子和嘴形均似Marie，眼睛和眉毛則像爸爸。她謂：「我一早決定剖腹生產，但冇擇定時辰，結果真係由佢自己決定提早出嚟呢個世界。第一眼見到佢，真係好感動，好難用任何詞語形容，百感交集。」Marie誕B後，薛嘉麟愛妻情切，緊張得將她手提電話沒收及不准她看電視，因為想愛妻百分百休息。Marie說：「朋友們的祝福，我未必可以即時回覆，請見諒！」
打亂母親陣腳
「冰岐麟」搶閘出世打亂了母親Marie的陣腳，原本Marie答應出席本周一（二日）舉行的護膚品牌活動，作為產前最後出席的公開場合，同場還有準爸爸陳豪，但品牌公關後來更改嘉賓名單，改由蒙嘉慧頂上。當日記者曾向Neway查詢，但回覆是Marie感冒不適，而Marie亦以短訊回覆記者：「休息中。」其實當時岐麟B經已出世。
文：名人組