陳豪潛水陪茵媺分娩

陳豪與陳茵媺一直向外間公布首個愛情結晶品是個「Christmas Baby」，預計「豪仔」在聖誕至新年期間出世，但昨日盛傳女方已為陳豪誕下麟兒。事緣陳豪原本昨午三時到尖沙咀出席無綫官方刊物所舉辦的頒獎禮活動，向來甚少失場的陳豪竟臨時甩底，至中午才通知大會聲稱因患病未能出席活動。由於事出突然，令外間相信陳豪是趕往醫院陪伴太太分娩。

預告失蹤 代表添丁

事實上「豪仔」提早出世有迹可尋，近日陳茵媺露面時已肚大如籮，巨肚「蠢蠢欲動」仿似「豪仔」隨時要搶閘而出，加上陳豪日前在活動亦露口風透露，若老婆臨盆在即，家中已經準備好「走佬袋」，待陳茵媺作動就立即將她送院。他亦預告若然突然「失蹤」，即代表兒子已經出世。種種迹象令人相信陳茵媺已為陳豪添丁。

陳豪與陳茵媺至截稿前未有回覆公布喜訊，而陳豪今晚將到金鐘出席聖誕亮燈活動，記者聯絡過主辦單位，已確認陳豪會如期出席，令人相信向來「識做」的陳豪會將「豪仔」出世這份大禮物留待今晚活動中才公布，為活動爭取見報率以回饋廣告客戶。陳茵媺契哥麥長青昨接受電話訪問則詐傻扮懵說：「唔知喎，乜生咗喇咩？未收到通知。」

樂易玲：佢好少失場

無綫高層樂易玲昨日出席活動時，被問陳豪缺席是否因陳茵媺分娩？她說：「未，生咗你哋實知啦，你哋都布晒天羅地網啦。陳豪SMS話畀我知佢病咗身體抱恙嚟唔到，話very sick喎。佢一向好緊張工作，好少失場。」另外，提到馬賽與內地富婆汪子琦激咀的負面新聞，樂易玲說：「上星期見過佢同佢傾過偈，唔會同佢解約，希望喺台慶頒獎禮前安排佢出嚟見人。」對於有指馬賽在新加坡豪賭，她以「no comment」回應。

文：影視組