莫文蔚 楊采妮約飯局冇不和
歌手莫文蔚（Karen）昨日出席好友虞茱迪在銅鑼灣開設的飾品店開幕，正忙於巡迴演唱會的Karen聖誕節與老公到德國一家人慶祝聖誕節。會否乘機造聖誕BB？她笑言不會：「咁麻煩！我依家諗緊送乜畀老爺奶奶，可以送我演唱會20周年box set。」
提到有傳她與楊采妮不和？Karen直言沒有其事：「上星期先搵過佢。（佢結婚你冇去？）佢咁神秘，我都唔知。（幾時同佢食飯？）約緊呀，我之前又病，又忙演唱會，有同佢message夾時間。」她透露巡唱又加場，要唱足半年，每個地方唱兩場，之前剛去完上海。另外，虞茱迪表示這間是第二分店，投資了七位數字，主力賣歐洲的飾品。