尹飛燕望衝出亞洲
粵劇名伶尹飛燕、梁兆明及由資深製作人丘亞葵製作的舞台粵劇《八千里路雲和月》前晚圓滿結束，其後眾人更齊齊慶功。不過於謝幕時，丘亞葵自爆發生小插曲，原本之前他答應一切設備由他處理，不過所託非人，最後服裝上出現問題，只好要各大老倌出動私伙上陣，他無奈說：「都50歲啦！遇人不淑，今次呢八千里路真係唔易行。」
加場睇場地
事後慶功宴上，丘亞葵被問到會否加場，他指場地是最大問題，問是否有意衝出香港？他說：「始終呢個係地道文化，唔知外國人識唔識，（如果真係第一站想去邊？）美國、歐洲等，希望憑意境吸引大家。」問會否跟八和合作？他坦言未想到這麼長遠。
出動私伙衫
而尹飛燕對演出也覺滿意，對於丘亞葵想劇目衝出亞洲，她笑說：「丘生有好多大計，如果一路肯畀我跟住做，當然求之不得，好難遇到咁好的製作人。」說到服裝上出錯要出動私伙，燕姐坦言無所謂。而梁兆明的六歲兒子及太太都有現身捧場，問兒子對粵劇有否興趣，他謂：「好早就想學，但我想佢讀完書先。」
文：影視組