雨僑床戰 怕林子祥捧場
藝人雨僑與導演錢國偉昨日到電台宣傳新戲，雨僑接受訪問時笑言錢導迫大家睇《喜愛夜蒲3》預告片，又謂很怕見到自己的性感畫面，她說：「好彩靠錢導逼我睇1,000次先放上網，睇到唔驚。」而早前林德信曾表示要帶父親欣賞新戲，雨僑即表示：「希望唔好同場啦，好尷尬。」問到會否帶父母撐場，她則耍手擰頭地說：「千祈唔好！」另她透露最近有內衣品牌邀請拍廣告：「本身拍完戲就諗住減肥，但依家有內衣品牌傾緊就Hold住。」
提到雨僑奉獻第一次銀幕性感演出，錢國偉笑言：「咁我畀番多啲第一次佢，第一次做女主角、第一次咁受歡迎同拍床戲，希望姓羅嘅唔好打我嬲我。」問到二人可會再合作，他坦言已答應幫雨僑新歌拍攝MV，更可能以夜蒲做主題。