陳嘉佳穿紅衫遊泰遭怒睥

泰國反政府示威連日不斷升溫，在新劇《My盛Lady》中飾演Judy而人氣再度急升的陳嘉佳（細細粒），在上周六（11月30日）卻已跟朋友赴泰國開始為期四日的旅行。昨日記者聯絡細細粒，她表示前日外出已在街上見到紅衫軍，但她因匆忙而誤穿紅色衫，一出街已「畀人睥」：「出到去見到有啲人兇神惡煞咁望住我，已經心知不妙，行行下街仲見到有人示威，好多哨子聲，車又行唔到，啲人塞住晒。」

匿酒店不敢外出

她又謂見有遊客舉機影相，也忍不住影埋一份：「但都驚情況變壞，拿拿臨影完就返酒店。」回到酒店後，細細粒嫌酒店的食物難食，又不敢出街，遂把送朋友的手信如杧果、豬肉乾、朱古力等手信全部吃掉充饑。由於當地局勢持續緊張，令細細粒的行程受阻，本來特意到泰國買Bra的她笑言要等下次才再買。

瞓機場等候補位

考慮到人身安全，希望盡早回港的她更已決定「瞓機場」：「最驚有錢都搭唔到的士，又唔知局勢會發展成點，所以都想盡快返香港，我諗住今晚（昨晚）就去機場瞓，睇下有冇候補機位。」為在機場「宿一宵」，細細粒已作萬全準備，決定以毛巾墊地及衣服當被冚：「不過經過畀人睥既經歷，都唔敢着紅色喇！」她又表示怕機場沒食物，已自備乾糧。不過，貪玩的細細粒昨午依然忍不住外出去玩及補買手信，她表示市面平靜，更在微博上載逛街相。

文：專案組