曾志偉籲梅迷黑白配悼偶像

不經不覺，一代樂壇天后梅艷芳已離開大家近十個年頭，其生前好友曾志偉及張學友將於本月三十日舉行梅姐逝世十周年紀念音樂會，志偉希望來賓穿着黑白服飾到場，以示尊重。學友坦言預計今次搞紀念騷會蝕錢，但為圓大家對梅姐的思念亦樂意去做。

由曾志偉及張學友籌備的「梅艷芳。10。思念。音樂。會」，將於本月三十日的阿梅死忌，晚上假會議展覽中心舉行，昨日志偉與學友於尖沙咀舉行記者會宣布詳情。

志偉透露今次音樂會的dress code以黑白色調為主，呼籲所有出席人士盡量配合。他說：「希望各位朋友唔好着到金黃十色又紅又綠，到時門口可能有人守住，可能唔畀大家入場，最多就回水。」志偉嚴肅地稱今次不是一般音樂會，亦不是賑災活動，不需要墟冚場面，更不會設安哥環節。

學友亦感觸地指梅姐是香港女兒，其歌影壇的成就毋庸置疑，希望借音樂會正式向梅姐表達敬意及尊重。他說：「唔知大家有冇試過，有啲嘢唔知點解要做，但又好想做，今次會係一次性演出，大家亦可以透過各平台同步紀念，同時唔會有其他紀念品出售。」

學友受訪時表示已聯絡梅媽，對方亦很放心，不過他亦感到壓力。問到門票收益如何處理？學友說：「我同志偉做生意未賺過，估今次都唔例外，仲有可能要倒貼！如果有，只會捐畀梅姐生前貢獻過嘅慈善機構。」

不過，昨早公開發售的門票卻在開售不久後暫停，志偉接受電話訪問時解釋：「係主辦單位同售票處出現溝通上嘅問題。」門票會於今日早上十時再度開售，昨日買了門票的「梅迷」則不受影響。

文：音樂組

曾志偉籲梅迷 黑白配悼偶像