馬明楊怡「情侶」易接job
前晚在馬來西亞與楊怡冧莊再奪「最喜愛TVB螢幕情侶」獎的馬國明（馬明），昨日返抵香港，以一身休閒裝現身的他談到得獎感受，他直言好開心：「再攞呢個獎對接拍廣告好有幫助！（是否預咗會失落馬來西亞視帝？）今年各位候選視帝實力平均。」馬明又表示有份拍攝的台慶劇集《On Call36小時Ⅱ》尚有約三星期才播完，他說：「我會盡力嘅，今年輸咗咪明年嚟過囉！」
另外，前晚完騷時楊怡獲緋聞男友羅仲謙力讚為人「又好又旺」，因羅仲謙與胡定欣分別獲「最喜愛TVB男配、女配角」後受訪時，他提到楊怡「開口中」，即衝口而出：「希望呢個咁旺又咁好嘅女仔（楊怡）可以繼續開口中啦！」而旁邊的胡定欣聞言後即掩嘴大笑，並揶揄道：「佢將心底話講咗出嚟！」
