許亦妮處女床戲拉隊捧場
許亦妮前晚「胸」降頒獎禮，養眼度撼贏全場一眾靚女嘉賓。向來大方騷豐滿身材的她，表示睇自己的床戲片段時不會感到尷尬，反而叫朋友入場支持睇處女作。
前港姐許亦妮（Whitney）前晚身穿露肩晚裝裙谷胸現身頒獎禮，出席的靚女嘉賓還有應屆港姐陳凱琳、蔡思貝等，但論性感度，都紛紛被Whitney搶盡「峰」頭。Whitney接受訪問時，表示有份演出的電影《喜愛夜蒲3》已進行配音工作，有看過自己的床戲片段，問到可會感到尷尬？她回應：「唔會，我拍戲嗰時都有睇番自己嘅演出。」
她坦言因是處女作故特別緊張，也有叫朋友入場支持；至於有否朋友提議包場看時，她說：「咁又冇！」Whitney拍攝《喜3》人氣急升，問到近期可有新片商找她洽談新戲？她表示沒有，但透露月中會開拍半喜劇的古裝劇，她透露：「我喺劇中飾演啞巴，而主要對手戲係林曉峰，佢就飾演聾嘅。」
黃長興想孖太太影大肚相
此外，同場的藝人黃長興表示太太懷孕十四周，初期有作嘔，現在胃口沒增加，身材同樣纖瘦但開始現肚，現在構思與太太影大肚相，想性感得來但三點不露。問他是否已戒煙？他表示只是習慣性的social smoke（交際性吸煙），並沒有煙癮。至於太太是否已變女王？他笑說：「佢一向都係有女王脾氣！（會唔會做怪獸家長？）香港比較現實，爸爸所講嘅天生天養只適用於外國。唔好話錢，連學位都要去考，擔心搵唔到好學校。」他稱將來會以法文與BB溝通，而太太則講廣東話：「可以將法文傳畀下一代都開心！」
文：名人組