何潤東遭父母 默默催婚
現年38歲的何潤東（Peter）昨日於MegaBox出席簽名會，自爆正忙為台灣新居設計BB房，不過他澄清只是父母施壓，向他「默默」催婚，Peter又否認與吳亞馨拍拖，又強調自己未有女友，更笑稱喜歡野性女子。
台灣型男何潤東（Peter）昨日現身「MegaBox 夢幻旋轉聖誕城 Ｘ 何潤東聖誕卡簽名會」，MegaBox總監文靜芝更送他小狗公仔，希望對方盡快覓得可愛、溫順的女友。
與父母在台灣同住的Peter，透露正忙於搬新屋，並大爆遭父母催婚：「媽咪、爹哋預先幫我設計咗間Baby房，可能無形中想畀少少壓力我，間房重要喺我房隔籬。（BB房有畀意見？）冇呀，我意見係唔好整住，我都未有BB，但佢哋話整住先，整完就有o架啦。」他表示結婚生仔急不來，又自稱目前未有女友，並坦言愛開朗及有點野性的女生。
MegaBox安排小孩獻吻
現場獲MegaBox安排兩位小妹妹獻吻的何潤東，問到王力宏宣布與台、日混血女友結婚，會否學對方收埋女友？他說：「我諗每個藝人都希望私生活有自己嘅私隱。（拍拖會公開？）結婚一定會，如果有拖拍的話，我考慮吓會唔會公開。」對於與台灣女星吳亞馨傳緋聞，Peter即否認道：「真係好大嘅烏龍，我哋拍完《泡沫之夏》後就完全冇聯絡。（兩個有冇發展機會？）應該冇機會，因為我哋幾年冇聯絡。」
文：影視組