張家輝獲偉仔糕招賀牛一
張家輝今日便踏入四十九歲，前晚已獲一班「閨密」梁朝偉、張學友等人為他預祝生日。梁朝偉親自為派對找場地、訂蛋糕和取蛋糕，十分細心。而張學友送禮給壽星仔亦預埋其囡囡一份非常貼心，令張家輝相當感動。
影帝張家輝今日（12月2日）正日生日，連日來已開始不停收到朋友的祝賀。一班被張家輝形容為「閨密」的朋友，如梁朝偉、張學友、曾志偉、鍾鎮濤、沈嘉偉夫婦、葉童夫婦、上山詩鈉和吳廷燁等人，前晚提早為他準備一餐別具心思的生日晚餐，於劉嘉玲開設的西班牙餐廳ZURRIOLA，一同為他迎接49歲的來臨。加上《掃毒》片內地開畫連續兩天榮登票房冠軍，票房達5400萬人民幣，可謂喜事一浪接一浪。
對於一班好友為其舉行生日會，張家輝深受感動，並說：「真係好開心，得到一班圈中閨密同我預祝生日，武林盟主梁朝偉特別為我準備今次dinner，由搵地方至訂蛋糕都親力親為，偉仔更為我攞蛋糕，我阿哥（張學友）送禮送埋我個女嗰份，真係好貼心。雖然人數晤係好多，但氣氛好濃，令我好感動。」
戲院見粉絲
其實日前家輝在深圳宣傳電影時，一班粉絲在戲院內已為他送上今年生日第一個生日蛋糕，但因為時間緊迫，當與粉絲合唱完生日歌後，張家輝便趕往下一個場地宣傳，誰知大隊離開戲院時竟然無人記得帶走蛋糕盒，結果張家輝要全程捧住蛋糕，十分搞笑。事後張家輝笑說：「呢個生日蛋糕真的跟我步伐一致，一齊跑場宣傳。」
文：影視組