朱千雪得寵幸運兒 監製賞識前輩照顧
2012年度香港小姐季軍朱千雪還未卸任就被監製睇中參演台慶劇，兼獲厚愛「度身訂造」角色，令屬於新人的她演繹更加流暢自然，朱千雪也自覺是個幸運兒。
前香港小姐季軍朱千雪上年雖然在「公投」選港姐因「冧Server事件」而錯過后冠，但只得季軍的她卻發展卻最突出，今年還未卸任就被力捧拍攝台慶劇《On Call 36小時II》扮演吳啟華女友。監製潘嘉德錫住千雪為她「度身訂造」角色，她說：「監製好好，同我見面已經不斷派定心丸畀我，話搵我就係想有新鮮感、叫我自然啲去演就得。監製又同我傾咗好耐偈，了解我嘅性格，為咗令我容易啲去演，加入咗啲我嘅元素落角色裏面，所以我演起嚟就好似做自己咁好舒服。」
啟華親自指點
千雪坦言當得悉對手是吳啟華也感到壓力，但這位前輩反而不斷主動指點，令她十分感激，千雪說：「啟華哥好好，佢知我係新人未拍過劇，一開工已經主動同我傾劇本，教我點睇劇本，點樣去做功課準備，同我一齊分析個角色應該要點演，佢睇到一啲劇本唔通順嘅地方，直情會叫埋我一齊去搵監製商量，等我可以更加了解劇本，自己第一套劇遇到啟華哥呢啲前輩，真係覺得好幸運。」
千雪在劇中愛得義無反顧，現實中又會嗎？她說：「愛情就未試過咁執着，最執着都係喺加拿大畢業之後，自己就一人返嚟香港搵嘢做，雖然要同屋企人分開兩地，但係都覺得香港發展機會比加拿大好啲，之後機緣巧合下就參加咗港姐喇。」
文：影視組