JC忙到甩轆疏遠男友
身材驕人的模特兒Jessica C.（JC）因忙於工作，而與男友Bond減少了聯絡，導致距離疏遠了，她亦表明自己沒有時間一腳踏兩船。
「警鐘胸」Jessica C.（JC）及名模Ana R.昨日出席「新太陽廣場聖誕夢幻鹿樂園」活動，二人更即席製作聖誕卡。JC俯身製作聖誕卡時，不經意露出深長事業線，非常養眼。
性感演出舞台劇
剛於台灣拍畢恐怖片回港的JC，透露將會在港演出舞台劇，聖誕時會返回家鄉美國與家人度佳節。問到男友Bond會否同行？她回應：「希望啦，不過我哋仲未有計劃。我覺得自己同佢距離好遠，以前我哋一日聯絡五至十次，不過依家太忙，聯絡少咗，不過佢都明白同支持我。」
另外，她坦言舞台劇的戲服很性感，令她相當擔心。問到她的性感底線？她表示：「最緊要安全，我會貼多啲膠紙。可以性感，但唔可以cheap。」而提到早前被《好報》拍到她與同劇演員白健恩一同買健身奶粉，她表示：「佢好nice，又有好身形，佢有畀啲健身tips我。不過我同佢冇關係，只係朋友，我冇時間背叛任何人。」
Ana婚後不設防
而同場的Ana坦言自己為籌備婚禮而感到很大壓力，更因而瘦了幾磅。問到未婚夫Brad有否幫忙？她回應：「佢好多時淨係答『好』同『唔好』、『鍾意』同『唔鍾意』。佢比較着重酒、食物同場地，其他細節就我搞。」她表示婚禮結束後，便會立即出發前往度蜜月，更笑言Brad於求婚前已預先籌備好此蜜月旅行。問到婚後是否立即生B？她笑言：「我哋唔急，不過會不設防。」
文：名人組