阿叻寸壹傳媒：唔通畀屋企你屙屎？

陳百祥、港姐陳凱琳、無綫老闆「殼王」陳國強及一眾高層樂易玲、余詠珊等與近300名職員昨日出席《萬千星輝賀台慶》慰勞宴，原本席間只送出十封每封$4600利是作為抽獎，但「殼王」為令更多員工受惠開心，決定加碼再送出十封，無綫助理總經理區偉林亦響應表示，如果任何坐在主家席的人中獎除要捐出來外，還要自掏$4600作為抽獎，結果余詠珊及企業傳訊部總監譚錫揚均要贊助，皆大歡喜。

下月生日望香港好

日前阿叻揚言台慶若只有兩點收視便「跪回家」，因而遭壹傳媒連日炮轟。昨日阿叻受訪時，主動表示自己的任務已完成，他說：「我肯出嚟講嘢唔係犧牲，只係太多人唔敢發聲，希望大家清晰知道咩係正能量同負能量。」談到無綫抵制壹傳媒，他表示做得非常正確：「因為已經到咗忍無可忍嘅地步。（妨礙新聞自由？）唔通畀個屋企你日日嚟屙屎咩？門口已經有得屙，冇理由日日畀你入嚟屙一篤，其實無綫邀請嘉賓入電視城，只係唔畀佢哋入電視城裏面，但係可以喺城出面採訪，TVB又冇阻撓嘉賓講嘢，所以唔關新聞自由事，依家都只係對付一個機構。」

志偉手持壹傳媒的咪直斥對方的種種不是。

樂易玲坐在老闆陳國強身旁，可見相當受重用。

而下月3日63歲生日的阿叻，笑言自己是一個「無老花、無甩頭髮嘅廿五歲零萬幾個月大嘅老人」：「我生日願望係希望大家和和諧諧、開開心心、香港好！」

陳凱琳首次出席台慶慰勞宴。

余詠珊贊助4600元作抽獎，皆大歡喜。

「都唔會寫好我哋」

此外，曾志偉昨晚出席演藝人協會活動，亦有《蘋果》記者在場，不過志偉就拿着對方的咪來直斥對方所為：「睇新聞發展成咁，都唔會寫好我哋，不如唔好採訪我哋啦！作為TVB藝人我會配合。（依家拎蘋果咪？）會盡量配合啦！（收警告信？）唔會啩！」

對於抵制行動，藝人是否少了曝光機會？志偉絕不苟同說：「唔止一份報紙，藝人有機會拍戲就可以採訪。」談到辭任演藝人協會會長有否不捨？志偉表示要給新一輩機會：「我仲係『舊生會會員』，係榮譽顧問，可以繼續返嚟開會，之後會關心多啲慈善工作。」

文：影視組