美國小報《國民問詢報》（The National Enquirer）前日爆料指「靚佬湯」湯告魯斯（Tom Cruise）有意跟「前湯嫂」姬蒂賀姆絲（Katie Holmes）復合，希望一家三口再團聚！
前日有內幕人士向美國小報《國》爆料指靚佬湯想跟姬蒂復合，想過番以前一家三口樂也融融的生活：「現在沒有任何新的女人出現在靚佬湯的生活中，他只是想跟姬蒂及蘇莉（Suri）一齊過不同的節日。」雖然靚佬湯與姬蒂於去年7月離婚，但有指一年多以來，兩人一直保持聯絡，靚佬湯會不時打電話及發電郵給姬蒂及蘇莉，而且又會就蘇莉假期安排的事相約見面，兩人單獨見面的次數愈多便愈有火花，搞到靚佬湯最近囉囉攣，經過幾番思考後，終於願意面對自己的心意，決定落力追回姬蒂。不過，內幕人士透露：「如果不是科學教，靚佬湯與姬蒂可能已經一齊番。」
據知現時除了靚佬湯心癢癢之外，姬蒂內心亦好掙扎，昨日她便在Twitter借用法國作家Andre Maraux的文章抒發感受：「真正的掙扎始於你需要與某部分的自己搏鬥，某程度上，其他都是一帆風順，除了一個真命天子的出現引起內心的矛盾。」未知當中的真命天子是否暗指靚佬湯。若兩人仍在一起，下周一便是他們的結婚7周年紀念，相當叫人唏噓。直到現時為止，雙方均拒絕回應復合傳聞。
另外，姬蒂周一繼續做「單親媽咪」，跟蘇莉於紐約行街。翌日蘇莉更被影到冒着寒風當街踩滑板車，戴上頭盔的她全程表情多多，一時皺晒眉一時又Lam晒脷，十分可愛。
文：外娛組