劉浩龍開條件不做賣點

藝人劉浩龍與謝安琪（Kay）、黃貫中、泰迪羅賓等主演的新片《末日派對》中，飾演一名補習天王，他指戲中除了靚仔、有錢、揸名車外更有不少狂蜂浪蝶主動埋身，亦因太多靚女埋身而與女友Kay感情出現問題。他笑言電影世界可以享受現實中沒有的東西，他說：「我又冇錢又冇名車，最多話我有型但唔算靚仔，更加冇狂蜂浪蝶啦。」他透露與Kay戲中有床戲，他說：「其實好簡單，只不過大家喺床上，我輕輕喺佢額頭親咗一吓啫。」

第一次畀咗謝安琪

劉浩龍表示與Kay十分有緣分，樂壇上首次合唱歌曲便是與她合唱《滄海遺珠》，而因為自己從影多年以來戲中角色都沒有女朋友，今次將自己銀幕上的第一次獻了給對方，他說：「好在同佢熟，如果唔係做情侶都幾尷尬o架。」

何康（右起）、泰迪與劉浩龍大談《末日派對》之拍攝情形。

容祖兒（資料圖片）

他表示喜歡電影，無論甚麼角色都會嘗試演出。問到會否介意與女朋友容祖兒合演，他說：「演員嘛，如果真係一個好劇本完全唔係問題。（做情侶？）如果啱嘅角色係可以，但唔係要嚟做電影賣點，唔想人哋將整部電影嘅焦點轉移咗。」

泰迪喜拍另類題材

此外，監製泰迪羅賓表示自《野．良犬》後相隔七年監製《末》片，他坦言希望細心去做好每一部電影，他說：「今次以香港時下問題為題材，我比較對另類題材有興趣，所以既演出又做監製。」而《末》片導演何康表示在香港成長、生活，對身邊發生的事都想說，所以透過戲中一個人物角色開始發展，展開幾個不同嘅故事線。

文：影視組