黃智賢抱完江美儀手痺
黃智賢與江美儀於新劇中有場跳華爾茲的戲，兩位都不是「舞林」中人，都是憑之前經驗及拍前苦練，不過拍完二人分別都手痺及腳震，幸而導演都感相當滿意。
黃智賢（Ben）、江美儀合作多次，不過二人於新劇《點金勝手》中，才真正有較多對手戲，日前二人於一場餐舞會戲中，更齊齊拍攝跳華爾茲的戲份，拍前二人跟排舞老師苦練兩小時。
一對「老戲骨」黃智賢、江美儀曾於劇集《潛行狙擊》及《名媛望族》等合作過，二人現時拍攝《點金勝手》，劇中二人是舊戀人，美儀是一名主席，而Ben是一名沙展，劇中Ben的女友更是陳敏之，不過最終他們的結果是怎樣，還是未知，Ben 謂：「究竟揀敏之定係美儀，仲要開會討論，（同美儀有冇激情戲？）有，戲中佢好主動，有兩場佢衝埋嚟咀我嘅戲，（佢拍劇成日都做主動！）佢係敢愛敢恨嘅女人。」說到那場跳舞戲，Ben坦言之前一點也不識跳，他謂︰「我剩係喺《名媛望族》宣傳嗰陣跳過吓，今次又要抱起美儀，又要fing佢，連埋NG，真係手都痺埋，好在拍出嚟效果都好好，自己都有滿足感。」
自嘲做「舞女」
而美儀則表示沒想過自己好像做了「舞女」般，之前拍《名媛望族》又要跳，幸而有些舞步還記得，故今次只是拍了半日就完成，她笑言:「拍完佢又手震，我又腳震，不過出嚟效果導演都好滿意。」
而Ben之前就與李麗霞（黑妹）到美國登台，更大唱多首歌，聖誕「搵銀」檔期將至，Ben坦言都有不少登台工作傾談中。
文︰影視組