徐子淇夫妻坦白抗七年癢
恒基兆業太子爺李家誠公司旗下酒店開幕，李家誠與太太徐子淇、徐子淇媽咪及妹妹亦有撐場。將於本月29生日的子淇，右手戴上約十卡巨鑽，被問到老公是否送一億遊艇作為禮物，在旁的李家誠即插嘴說：「隻遊艇係畀成家人用，唔係生日禮物，禮物當然要驚喜。」
被問到兩人第幾個生日一齊慶祝，子淇說：「我哋相識十年，結婚七年。」談到會否有七年之癢？子淇即時抓－抓老公的頭，說：「你痕唔痕，話就咁話，兩人相處最重要互相尊重，唔係話婚後就冇自己空間，或都對大家冇禮貌。」李家誠繼稱兩人甚少嗌交，說：「如果真係嗌，都係我氹番佢。」子淇指老公從不發脾氣，她曾鬧過老公，李家誠即指從未畀家人鬧過，老婆是第一人，子淇接着說：「中國人有句說話床頭鬧交（打交）床尾和，其實嗌交都好，有乜都可攞出嚟講。」為免被誤會，李家誠又補充說：「我哋乜都攞出嚟講，唔係唔講。」
畀空間老公
徐子淇與李家誠結婚周年為下月，被問到會否到外地慶祝，她說：「我哋鍾意去第二度玩，住唔同酒店，但自己有潔僻，去酒店要帶兩樽消毒水。（少咗兩人世界？）都少啲，但每年都會有一兩次係得我哋去旅行。」
另提到現場有嫦娥、白兔等布置，他們表示希望把中國文化帶入酒店，營造中西合璧的效果。子淇笑言：「本來想叫佢（李家誠）做包青天打扮，因額頭有月亮，不過佢拒絕咗。（你係咪『常哦』，成日哦老公？）我畀好多空間佢嘅。」李家誠亦說：「係呀，係真o架。」
文：名人組