何雁詩養狗奉獻時間愛心
「巨聲幫」何雁詩（Stephanie）擁有四隻愛犬，訪問當日帶了其中兩隻來作伴。早前Stephanie透露她為因病去世的愛犬作了一首歌悼念牠，當時寵物店老闆送了一隻新的魔天使給她作補償，當天亦帶了來，坦言更愛惜和重視牠。
問Stephanie有甚麼養狗心得？她笑謂：「要有時間同愛心，不過我做藝人呢行好多時唔喺屋企，所以要盡量抽時間陪佢哋。（咁你畀晒啲時間狗仔，又點拍拖？）我希望將來個男朋友都會鍾意養狗。」如此愛狗之人，必定跟牠們有很多難忘回憶：「有次我隻史納莎走甩咗，點知竟然畀爸爸喺街兜風時見番佢，佢聽到爸爸『boot』佢仲識自己跳上車！」