子珊嘟嘴港女放笑彈

入行九年首次拍喜劇的徐子珊，擺脫硬朗、索女形象，善用其招牌「嘟唇」自嘲為港女，被監製大讚聰明：「佢好犀利可以自嘲，其實佢好適合演喜劇，子珊係個大寶藏，搞笑潛質正在爆發中，佢未做過喜劇，反而冇乜包袱，好多場戲佢都演得好放、好自然，佢知做港女嘅特質外，仲搵到做港女嘅趣味。」
敏之（右）由「薯嘜」OL變身歌手，好姊妹子珊亦有功勞。
敏之（右）由「薯嘜」OL變身歌手，好姊妹子珊亦有功勞。

敏之薯嘜變歌手

有「索腿天后」之稱的陳敏之，則化身職位低、冇朋友的「薯嘜」OL，一次被騙後大受打擊，幸獲好友子珊、子華及祥仔助她脫胎換骨成歌手。敏之被監製刻意「磨平」：「佢着最平凡嘅衫、戴圓框眼鏡，可愛味出晒嚟，變得冇殺傷力、好親和，佢同子珊嘅表現都好好。」而敏之拍MV的一幕，劇組更用了4000個氣球及花了兩日搭景，來打造華麗場面。

其中一場講敏之誤會祥仔患超級傳染病，在一次因緣際會下，她卻意外仆落對方身上，兩人更來個飛天之吻，監製笑言這幕可媲美周星馳的「巴黎鐵塔反轉再反轉」。
  • 其中一場講敏之誤會祥仔患超級傳染病，在一次因緣際會下，她卻意外仆落對方身上，兩人更來個飛天之吻，監製笑言這幕可媲美周星馳的「巴黎鐵塔反轉再反轉」。