Mandy買樓擺手袋
模特兒Mandy Lieu昨出席Brand Off專門店活動時透露自己儲了很多手袋，朋友叫她拿部分去賣，但她不捨得。她自言最瘋狂是買鞋，第二是買手袋：「愈儲愈多，就嚟冇地方擺。（買樓先？）係，我要幫啲鞋同手袋買間新屋，計劃緊。（買到未？）有排，每次接近個目標，樓價又升。（儲到首期未？）如果係我嘅Dream house就未，我嘅Dream house至少要一千呎，要有靚景同靜。」
Mandy說近期仍忙於拍電影：「我今晚（昨晚）飛台灣繼續拍，希望聖誕可以拍完返香港。（拍咗你啲武打場面未？）打咗啲，嚟緊呢兩星期仲多啲。（有冇受傷？）少少，我預咗傷，睇針灸同跌打，我成篋都係跌打酒。」