監製恐外景被「偷襲」

無綫禁止壹傳媒刊物進入將軍澳電視城及採訪旗下藝員，但每日均有劇集在街上拍攝外景，似乎無綫仍難以杜絕壹傳媒採訪。正在拍攝中的新劇《新抱喜相逢》監製關永忠表示：「我套劇就嚟煞科，影響唔會好大，如果係外景，佢哋影相我哋係冇辦法阻止，佢哋有採訪自由，訪問就唔會協助，都要跟番公司嘅決定去做。」另一套開拍的劇集《大藥坊》監製徐正康則說：「如果佢哋遠距離影相，我哋都冇權去阻止，但係如果近距離採訪，我哋就會禮貌地勸佢哋離開。」