阿叻斥壹傳媒卑劣 傷害香港
政府不發牌予香港電視引起公眾討論，無綫有感壹傳媒旗下刊物及報紙連月來作出針對性、抹黑及失實之報道，刻意將矛頭轉移到無綫身上，無綫為捍衞商譽，昨日傍晚發出聲明，將壹傳媒列為不受歡迎媒體，並通知旗下藝員不能接受該刊物之訪問，藝員陳百祥（阿叻）、胡杏兒、黃宗澤、黎耀祥、徐子珊等昨日亦先後收到公司通知，而身受其害的阿叻終吐出烏氣，直斥其採訪及報導手法卑劣。
無綫有感壹傳媒作出針對及失實報道，商譽嚴重受損及為保護旗下藝人的大前提下，終作出46年來對傳媒最嚴厲的措施，將壹傳媒列為不受歡迎媒體，行動範疇包括：不接受該集團旗下記者參與無綫所有傳媒公開活動外，亦不准旗下藝人接受訪問，而藝員陳百祥、胡杏兒、黃宗澤、黎耀祥、徐子珊等昨日亦先後收到公司的電話短訊通知這個抵制行動。
遲來春天屈咗好耐
其中阿叻最近就「跪回家」言論而遭到「壹傳媒」連消帶打式報道而大感受屈，昨日得悉無綫作出禁止對方採訪的行動，他坦言是「遲來的春天」，並直斥壹傳媒手法卑劣，阿叻更舉出老婆黃杏秀日前在台慶被一名自稱是TVB人其實是記者的人套料，最後卻在旗下刊物以「不孕」作報道：「台慶當日有個人話係TVB嘅人，我老婆先同佢傾啫，點知內容就喺本雜誌度出咗，呢種採訪手法好卑劣，我雖然唔介意冇仔生，但隱瞞身份唔公道！」對這個媒體的採訪手法，阿叻坦言「屈了很久」：「呢個傳媒將啲負面報道帶入香港，佢成份報紙都搵唔到公道，報紙係報道唔係作文，我心係好想公司咁做，慶幸依家發出聲明，我真係屈咗好耐，對我嚟講係『遲來的春天』！」
阿叻更呼籲文化人不要為五斗米折腰：「我打開佢哋份報紙，請咗好多使用文字好叻嘅文人寫稿，但出嚟都係傷害香港！（仲有咩受傷人？）娛樂圈九成人受傷害啦，譚詠麟、曾志偉講嘢咁叻都封嘴啦！」
祥仔指媒體要中立
黎耀祥對公司政策表示支持：「公道嚟講，某啲傳媒的確偏頗咗啲，應該要用公正、中立嘅態度去報道，支持公司嘅政策，因為自己喺TVB藝人，（覺唔覺得對方報道有針對性？）係有啲o架！其實乜嘢媒體都要中立、公正，唔好抱住公司嘅立場去報道。」
將有新劇播出的徐子珊，直言配合公司政策，現很多訪問已即時取消。
至於呂慧儀亦指自己是「乖女」所以一定會配合公司。
羅鈞滿刪除APPS
羅鈞滿對於公司政策當然支持，並直言因被多次斷章取義的報道傷害，所以他於兩星期前已將有關的手機APPS刪除，而他之前曾facebook留言「可恥」，並詳說自己對「熄電視」的看法，羅鈞滿再一次表明：「可恥嘅意思，喺有啲傳媒一邊報道台慶，一邊叫人熄電視，呢種行為就叫可恥喇。」
文：影視組