Lisa S.半歲女沖上雲霄 冇扭計
名模Lisa S.昨晚出席清潔香港活動，透露囡囡Raven已6個月大，下月便會帶Raven搭長途機到美國過聖誕，所以近日先帶她到新加坡和馬來西亞，讓她先感受一吓搭短途機的滋味，Raven亦很叻女，能夠通過「考驗」，飛來飛去都冇扭計！
Lisa S.昨晚出席《東方日報》和《太陽報》有份贊助的「2013清潔香港年度發布會暨慶功晚會」，同場還有Rosemary、許懷欣、尹子維、Jocelyn和老公Anthony等。擔任司儀的Lisa透露囡囡Raven的近況很好：「啱啱先同佢去完新加坡同馬來西亞，我去工作，佢跟我去。（咁細個就搭飛機？）唔細啦，6個月大啦，就係想佢試吓搭短途機先，因為12月會同佢返美國過聖誕同探嫲嫲，BB坐飛機好叻，完全冇問題。」
不過她直言湊BB很辛苦：「佢唔瞓我都冇得瞓，好彩有陪月，佢好幫得手。（幾時為囡囡添個細佬妹？）等囡囡一歲大先。」她又表示已參與這個活動很多年，認為環保意識很重要，因為她住近海邊，所以更能明白清潔沙灘的重要性。
Rosemary男友見家長
而Rosemary亦表示自己已第五年參與活動，問到會否跟男友一同清潔沙灘？她謂：「有呀，平時都會花時間到沙灘清潔，二、三十分鐘就做到。」問到與男友現時的感情？Rosemary表示二人感情很好：「之前先去完越南慶祝拍拖四周年，上星期佢仲見我爹哋。（第一次見？）唔係，但係第一次傾得咁詳細。（男友求婚未？）未，我唔心急，依家好開心。（爹哋滿唔滿意男友？）要多啲時間了解。（如果要生BB就盡快結婚？）我唔係咁認為，自己仲有時間。」
文：名人組