余文樂 熱血爸爸 火海救子
演員余文樂在新片中首度扮演消防員單身父親，與童星盧頌衡有不少對手戲，一般而言跟小朋友做戲比較困難，但樂仔卻跟盧頌衡打成一片，他說：「若果我做人父親嘅話，都會好似角色咁為咗個仔不顧一切。」
樂仔今次於英皇電影《救火英雄》中夥拍兩位影帝級人馬謝霆鋒及任達華，不過他在片中與童星盧頌衡有更多對手戲，事關樂仔首度扮演單身父親，身兼「兩職」的他於一場火災中要作出左右為難的抉擇，到底先救人還是先救兒子？樂仔直言此一角色跟真實的他十分相似：「我係個比較傳統嘅人，如果有小朋友一定會特別緊張，戲中我同個仔感覺好似朋友，但有事發生我會不顧一切去保護佢。」
「父子」互窒
不少演員都認同跟小朋友做對手戲因難以駕馭特別困難，樂仔卻不以為然，反而覺得比想像中簡單，因雙方培養出感情後，大家還常常玩作一團，他說：「戲裏戲外我哋都好鍾意互窒對方，佢其實係個好貪玩嘅小朋友，所以我哋可以玩得好癲，當然大家都會見到我愛錫佢嘅一面。」
盼有獎項
而導演郭子健表示在設計這個角色時，認為樂仔是最佳人選，因為同樣是個直接、不顧一切以及熱血的人，雖然他未婚又不是父親，但與小朋友的互動卻很好：「可以畀到觀眾睇一個年輕單親爸爸同個仔嘅微妙感覺，樂仔演得恰到好處，希望呢個角色可以為佢帶嚟獎項。」
文：影視組