DaDa復工 谷田雞胸
早前宣布全面復出的陳靜（DaDa），前晚正式復工現身商場活動，身穿白色低胸裙扮女神雅典娜的她，不時俯身賣大包，大騷三吋事業線！Dada還透露自己的情緒病已康復，不需服藥，體重亦開始由120磅慢慢回落，她又自言四肢都有肌肉，似足隻田雞。
因情緒問題閃退的DaDa前晚正式復工，與黃宗澤於新蒲崗出席聖鬥士展覽，身穿白色低胸裙模仿女神雅典娜的DaDa即場炮製咖啡，更不介意俯身賣大包，露出久違了的三吋事業線，相當搶鏡！
期間有數名Fans大叫支持DaDa，令她笑逐顏開！之後她跟十二名化身黃金聖鬥士的Model合照，Model們的身形及樣貌都相當「奇特」，效果爆趣！
最壞打算要賠償
DaDa直言自己的情緒病已康復，不需要再服藥，現時狀態不錯，比起早前最高峰時的120磅輕了六磅，但她仍希望再減六磅：「好彩上圍都Keep到，依家最緊要健康，會做運動減肥，唔會節食，之前畀人話大肚，個肚仲要減下，我又好似田雞咁四肢有肌肉，本身都唔係瘦底。」
對於有傳她辭演《喜愛夜蒲3》而被追討100萬元賠償，她表示交由公司處理，不方便講太多：「牽涉到法律程序，最壞打算係要賠償，因為係自己錯。（有冇同導演錢國偉聯絡？）仲未，但公司會同所有甩過底的客戶傾番。（擔唔擔心會被某些電影人列入黑名單？）依家我都接拍咗兩部電影，會喺聖誕期間開工，可以拍番戲好感動，我要做得好過以前。」
願減酬勞加工作
DaDa在訪問中多次認錯，並表示之前的經歷是一次教訓，問到會否怕再拍戲而令情緒病復發？DaDa表示：「其實唔關拍戲事，係屋企有事，唔知點處理，件事令我更了解自己，始終係好鍾意演藝事業！（減酬勞增加工作機會？）不嬲唔介意，都係睇角色，今次活動就好好，冇加冇減，同以前差唔多。」
文：影視組