殿堂級歌手林子祥（阿Lam）與音樂人趙增熹昨日到電台宣傳下月廿一日於澳門舉行的演唱會，提到演唱會的特別環節，記者提議二人不如掉轉身份，由阿Lam玩音樂趙增熹唱歌？趙增熹笑言：「搵啲嘢逼吓佢先，逼佢半夜開騷，累鬥累。」
而阿Lam則反擊回應：「咁我就逼佢早啲起身啦，我依家都愈嚟愈早起身，5點就醒，（有咩做？）好多嘢做o架，飲吓茶，思考吓，又可以認識到香港最勤力嘅人，掃垃圾、派報紙嗰啲，佢哋好代表到香港人嘅勤力。」
