黎瑞恩克服恐懼 轆入會展
將於月尾復出舉行演唱會的黎瑞恩（小恩子）昨日變身「人妻車神」，率領一班車隊成員包括方力申、洪天明和黃長興大晒三輪摩托「戰車」，曾目擊電單車意外的小恩子走出恐懼，更預告會將個唱場地化成公路，在歌迷面前揸「戰車」大顯身手！
闊別樂壇11年的黎瑞恩將於本月29及30日在會展舉行兩場由馬天尼娛樂主辦的《金至尊珠寶呈獻黎瑞恩ALL FOR LOVE慈善演唱會2013》，小恩子昨日身披白戰衣，騎着黑色三輪電單車化身「火辣女騎士」，聯同三位好友方力申（小方）、洪天明以及黃長興，氣勢逼人現身長沙灣為演唱會宣傳。
孖小方組車隊
小恩子透露以往揸車時曾目擊過電單車意外，故一直對學電單車都有恐懼，後來她發現原來有三個轆的電單車，加上知道小方等人組織了車隊，所以決定考牌。問到老公與老爺可有反對？她說：「佢哋冇話唔畀，同埋呢架三個轆，我又唔係揸得好快，比較斯文啲，都係成班藝人約埋朝早遊吓車河，天明又會用電單車做善事，幾健康。」小恩子更預告會將「戰車」駛入演出會場，但只會在台下觀眾席巡圈與歌迷揮揮手。
準時開騷合理
小恩子又表示雖然近日要密密練歌，但壓力比之前細，失眠發噩夢的問題亦慢慢改善，提到早前有演唱會遲開騷，有歌迷向海關轄下的商品說明條例部門投訴，小恩子認為準時的要求合理：「我都希望準時開，以前開騷都試過準時起音樂，但場外仲有好多人遲咗係咁湧入嚟。」她又謂今次場外會擺設免費小食檔，笑言害怕歌迷會掛住食而遲入場。
文：音樂組