關秀媚梁琤開餐傾唔停

曾經活躍於香港電影圈的關秀媚與梁琤，前晚六時許相約於銅鑼灣敍舊，兩人於一間泰國餐廳露天座位邊飲邊傾，雖然齊齊素顏示人，但兩人均保養得宜，明顯未有走樣，期間更有不少途人認出她們，投以好奇的目光眼望望，只見關秀媚和梁琤懶理途人，全程自顧雞啄唔斷地傾唔停，當中關秀媚更是相當肉緊，講到七情上面之餘更手指指，未幾又有另一名女性朋友加入傾偈行列，三個女子傾到欲罷不能。