近年於台灣忙拍劇的孫耀威昨日到電台宣傳新國語專輯，經常港台兩邊走的他被問女友陳美詩有否詐型？他說：「所以佢成日嚟台灣探我，因為大部分時間都喺嗰度，我已經喺嗰邊有屋有車，好似半移民咗過去咁，差在未有兩個老婆。」他又稱有份參演的劇集最近奪全台灣收視冠軍：「我哋之前講過如果收視到一個位就會除衫，佢哋個個六呎三吋以上，加埋六舊腹肌，個個都係猛男，好彩我去咗上海做嘢去唔到。不過嚟緊會再搞，我都要操弗啲。」
