雨僑在家中踢硬物導致腳趾骨骨折，骨科專科陳子敬醫生稱：「其實骨折好小事，淨係會痛同紅腫，冇後遺症，唔會構成功能上嘅損失。最痛係頭兩個星期，一般嚟講大約四個星期就會冇咁痛，但要完全康復就要十二個星期，因為要企同行路關係，可能會持續腫三至四個月。」問醫治方法？他說：「食藥同敷冰都得，最緊要保護傷口，唔好再撞親，着啲舒服啲嘅鞋，一般嚟講唔需要坐輪椅或者用拐杖。（點樣意識到骨折？）一定會感覺到，平時撞到只會痛一陣，但如果骨折嘅話會痛好耐，同埋即刻又腫又瘀。」