謝婷婷猜姪仔有私人補習

對栢芝被網友質疑又帶Lucas外遊冇返學，藝人謝婷婷昨晚出席行李箱活動時，三度表示不清楚，她說：「真o架？不過我唔相信係真，唔會唔畀細路哥讀書，自己咁猜測，我估冇可能發生，（同霆鋒講讀書問題？）冇，之前淨係同佢講嫲嫲身後事，佢太忙，都係傳短訊聯絡。（搵方法聯絡栢芝？）我相信做父母最清楚成件事，畀細路哥讀書最基本，唔相信會忽略呢樣嘢。」她指鬍鬚Kong的兒子也在新加坡讀書，認為教育好，又稱估計兩姪兒有私人補習。