69歲白韻琹鬧婚變：佢嬲起上嚟就打

現年69歲的白韻琹（白姐姐）昨晚接受nowTV《娛樂審死官》訪問，大爆54歲老公謝偉俊（Paul）曾動手打她：「有打過，佢嬲起上嚟就打，不過我都有還手，而且打得大力過佢！」白韻琹還稱很委屈，廿幾年無人錫無人攬：「我同佢（指Paul）唔算夫妻，我都嬲自己呢廿幾年冇（性），如果重新選擇會揀第二個！（點解唔離婚？）好多原因，拖吓拖吓就算，但唔代表我以後都唔會離（婚）！（因財政問題？）好多夫妻因財失義，我唔想變成咁！（咁你廿幾個物業係咪你名下？）我冇理，交晒畀謝偉俊律師行理，不過最近我買嘅兩個物業就用我名。」白姐姐之前曾在巴士意外中受傷，之後在facebook留言「身傷不及心傷」，她指當時Paul無問候過她，但有接她出院。主持人之一梁思浩爆白姐姐在節目錄影前，曾捉着他的手哭訴廿年感情付諸流水，又稱白姐姐於1989年跟司馬燕、寇鴻萍食飯時，曾拿着謝偉俊的全裸照，收一千蚊就讓朋友看，而電影界女強人都有「幫襯」。