錢國偉接受道歉
早前陳靜因情緒問題而未能接拍錢國偉執導的《喜愛夜蒲3》，令劇組即時易角。昨日陳靜開記招認錯，向受影響的監製及導演們道歉，問錢國偉會接納嗎？他表示：「無所謂，最緊要佢負番個責任，賠番電影公司嘅損失。佢之前係阻咗我嘅拍攝時間，但依家都已經拍晒，無乜嘢喇！我同佢又唔係十冤九仇，總之希望佢要尊重番合約精神啦。」
錢國偉又指在今次事件上面，陳靜最應該向fans道歉：「佢欠咗呢樣嘢（指同fans道歉），就算佢自己有乜嘢決定都好，都要同合作夥伴傾吓。（會否再合作？）呢個世界喺圓嘅，好難講，總之佢嘅道歉，我接受，希望以後佢唔會再有咁任性嘅決定。」