周秀娜想要馬國男友

周秀娜、關楚耀(Kelvin)、盧頌之等昨日錄影節目《Big Boys Club》,順道宣傳新片。對於再度與緋聞男友Kelvin同場,娜姐笑言近日多與女士接觸,問會否轉性取向?她謂:「都會,呢期同班女仔一見面就girl's talk,分享吓男仔嘢。(冇人追定眼角高?)呢啲嘢要遇到,但我未囉!有朋友話約食飯介紹男仔畀我識,不過之前喺內地拍戲冇時間,之後多啲時間留香港會好啲,但有時一個人享受吓獨處都幾好。」她笑言稍後會隨大隊到馬來西亞宣傳,屆時會叫Kelvin介紹男仔給她認識。

戴黑超的Kelvin透露前晚吃了兩隻大閘蟹,昨日起床後眼腫,笑言並非看到不該看的東西。他又稱很開心可到馬來西亞:「第一次去,希望到時娜姐帶我去玩。(佢叫你介紹男仔。)馬拉仔?睇吓囉!到時我會帶埋跑鞋去跑步就真。(又約一齊夜跑?)睇吓一唔一齊囉!」