Ana R.搵JC做伴娘

名模Ana R.昨日穿上鄧達智設計晚裝，並佩戴珠寶品牌與鄭兆良跨界合作的鑽飾Larry Jewelry行騷，Ana透露前晚與未婚夫Brad撐枱腳食日本菜慶祝生日，問到對方有否送上特別禮物？她說：「未！佢將心思全部放喺籌備年底婚禮。」她稱確實日子尚未決定，仍在尋覓婚禮場地，她說：「應該係十二月第二個星期前，大約請三至四十人。（你唔怕不被邀請出席婚禮嘅朋友唔開心？）都擔心，所以我想學Lisa S.先舉行小型婚禮，明年再舉行酒會，我想每個朋友開心。仲有六個星期畀我哋籌備，時間緊迫，我頭先喺後台都不停打電話安排婚禮嘢。（有冇贊助？）未有時間問，希望有人會提出。」