周麗淇生一個嫌少
周麗淇（Niki）昨日為Just Gold鎮金店拍攝廣告，身穿白色tube dress配金飾的她被指似新娘，她笑言：「唔係啩！（有冇留定幾套金飾畀自己做嫁妝？）到時先算，啲款又會唔同咗。（媽咪有冇準備金器畀你？）佢之前話準備咗。（你自己有冇儲定？）有，之前金價跌，媽咪叫我買定保值。」
Niki稱首次為品牌設計了一套情人節首飾，問到男友有否給意見？她說：「冇。（叫男友買一套支持你？）你要問番佢。」Niki表示設計以三葉草為構思，三葉分別代表一男一女及小孩，問這是否她的目標，她就嫌生一個太少：「生兩個好啲，大家有得溝通，我屋企有三個好熱鬧。」