AD2當街除褲逼人聞
o靚模組合AD2昨午在銅鑼灣鬧市宣傳寫真，Amy受訪時突然從心口抽出一件比堅尼，另一成員Aily則掀起Amy的裙拎出褲仔，欲送給做媒的疑似男工作人員，豈料記者拍照後對方已不見人影，兩女惟有隨便「送禮」給圍觀的男途人，Aily又逼該名男途人聞褲仔，更意圖將褲仔笠在對方頭上，嚇得男途人立即向後縮。
之後Amy又送安全套給另一名男粉絲，並即場為他套上手指，尷尬的男粉絲驚到手震，行為令人咋舌！
Amy表示出寫真是讓港人減壓，Aily即語出驚人稱其寫真是為宅男解決生理需要，書中更有極度意淫的「啜奶」照。Amy又謂：「我哋唔係豁出去，有啲人鍾意清純，有啲人鍾意Heavy Taste（重口味）。」
不過，梁永鏗律師表示AD2的行為已構成不雅行為，他說：「佢哋已經係犯咗簡易條例嘅《不良表演》，喺公眾地方做不雅行為就已經可以報警拉佢哋，最高監禁一年及罰款二萬五千元。」梁律師又指AD2已有機會觸犯非禮或襲擊罪：「非禮最高就監禁十年，而襲擊就最高監禁一年。」