Ana R.相士指點12月嫁人
名模Ana R.昨日34歲生日，兼是其最後一個單身生日。前晚她於生日會中宣布與未婚夫Brad的婚期鐵定於本年十二月，她更透露相士指他們於此時結婚，便會有段長久婚姻，故迷信的二人決定急急拉埋天窗。
名模Ana R.所屬的模特兒公司前晚為她舉辦生日派對，為她預祝34歲生日，她的好友名模Lisa S.、同門師妹何紫綸（Ann）、伍靜麗（Angie）等亦有出席，而未婚夫Brad則因有工作在身而姍姍來遲。Ana笑言該場地恰巧是她去年為未婚夫Brad舉辦驚喜生日派對的地方，又透露正日生日會與Brad撐枱腳，並希望屆時會收到驚喜的生日禮物。
怕壓力只生一個
Ana透露二人的婚期訂於今年十二月頭或十二月中，故今次是她度過的最後一個單身生日。問到為何如此趕急結婚？她回應：「因為相士話我哋今年結婚最好，會有個長久嘅婚姻。（香港定外地搞？）香港，不過真係好難搵地方，因為近聖誕節，好多場地都畀公司訂咗，我依家都仲搵緊場地。（婚紗呢？）我已經有啦，Brad嗰件就度身訂造緊。」她還透露相士指她會生三個小朋友，但她卻認為自己應該只會生一個，因她看到身邊的朋友，都因為子女而面對相當大壓力。問到她所指的朋友是否Lisa？她笑言：「唔係，佢好開心。」
而同場的Ann則透露自己近日開始以普通話主持內地扮靚節目，並笑言：「佢哋鍾意香港人講普通話唔正。」
文：名人組