雷宇揚49歲做老竇一索得男
雷宇揚太太前日分娩，一索得男取名「雷庭」，寓意他家庭為重，英文名暫時從缺。宇揚為迎接新生兒，身為「鬼王」的他推掉不少萬聖節搵銀機會，這兩天更忙着學習照顧BB，一臉慈父相，搞到自己不顧儀容兼「冇啖好食」，不過深感「值回票價」，又表示：「佢個樣分分鐘都唔同，啱啱出世時似雞尾包囉。其實我太太打算昨日開刀嘅，點知佢提早一日要出嚟，所以搞到我手忙腳亂，本嚟諗住剪定個髮影全家福最終要cancel咗先。」
再追個囡
49歲的宇揚坦言自己也沒想過當人家父親，不過太太喜歡小朋友：「佢諗住生個女o架，我諗佢會再追啩。我哋計緊喺香港留幾個月，等BB大啲先將佢帶返廣州屋企生活，都開始拎定國際學校嘅資料，依家小朋友讀書真係要早啲搞。」
聽天由命
他又表示自己不迷信，所以今次BB上至改名下至開刀時辰，也是「聽天由命」﹕「有啲朋友都話幫我擇日，但我覺得冇咁嘅需要囉。一切順其自然，只係太太一直都係計畫無痛分娩啫。」宇揚笑言要負責搵錢養家，所以日內將復工登台演出。
文：影視組