呂良偉太靚仔局長變車手
呂良偉、謝婷婷、徐天佑、麥長青等昨晚出席電影《釋迦牟尼佛傳》首映，阿呂透露一班老友承諾稍後包30場觀賞，他亦有意把該片印一萬隻DVD送給與佛有緣的朋友。阿呂日前有份客串《變形金剛4》，笑指獲導演米高比爾大讚靚仔兼有型，更謂：「希望下次再合作啦！佢反應好快，知自己做緊咩！今次原本做保安局局長，最後Michael見我靚仔過頭，就叫我做電單車手。」
獲太太汪明荃現身力撐的羅家英，談及回鄉證資料外洩，家英直言過分：「唔應該話我同個女士一齊，雖然有解釋係分開房。（怕老婆嬲？）唔嬲，嬲都係嬲嗰個人，公司會追究。」至於阿姐未有回應事件，只謂要做家英背後女人，全程讓他回應。