吳若希石澳拍照 阿婆攜七犬收陀地

歌手吳若希昨日在instagram上載一張相片，表示被阿婆「收陀地」：「拍照途中遇到『收陀地』......個阿婆好惡，要我地（哋）比（畀）錢先可以繼續～我嚇親！好驚驚！」吳若希透過電話向記者覆述事件經過：「我哋喺石澳空地影嘢，有個阿婆帶埋七隻狗過嚟，話之前有人喺度影嘢都有畀錢佢，言下之意似係收陀地，我哋惟有轉另一度影。」她坦言阿婆十分無禮貌兼且「大聲夾惡」。