嘉玲曼玉 把酒談心
「過氣情敵」劉嘉玲與張曼玉昨晚一同在上海出席活動，兩人大方沒有忌諱，揚言許久沒見要敍舊一番，嘉玲更笑謂要跟曼玉喝香檳把酒談心，顯然沒有芥蒂！
【張嘉敏上海直擊】曾跟影帝梁朝偉傳過緋聞的張曼玉（Maggie），昨晚與偉仔太太劉嘉玲一同現身上海，出席連卡佛上海旗艦店開幕活動，同場還有高以翔及周冬雨等。其中先到場的劉嘉玲穿上一襲藍白色連身短裙，獲品牌總裁Andrew Keith親自出來迎接，難怪她喜出望外。嘉玲表示跟Maggie已很久沒有見面，因為對方常不在港，問到二人可會相約吃飯？她笑說：「希望喺入面同佢飲杯香檳，（你哋會傾咩呀？）唔知o架，諗到乜嘢咪傾乜嘢囉！」
此外，對於好友曾志偉辭退演藝人協會會長一職？嘉玲表現愕然說：「咁大件事？我要問一問佢先得，我呢排周圍飛都唔知發生咩事，連王維基發唔發到牌都唔知，我一陣會打畀佢（志偉）問吓，希望佢會聽我電話啦！」她又謂現在還要繼續做空中飛人，到西安和無錫拍廣告和宣傳電影，笑言有工作做就做，不會休息！
品牌總裁迎接
而Maggie則穿上黑白色套裝裙現身，同樣獲品牌總裁親自迎接。記者指嘉玲表示要跟她喝香檳談天？Maggie也笑說：「好呀，見到面可以敍吓舊！」作為金馬大使的她被追問會否看好梁朝偉封影帝？她說：「有睇好，不過冇諗過邊個攞，總之邊個演得好就會得獎。」
至於台灣型男高以翔就透露近日忙於拍攝一套喜劇微電影，獲導演大讚有喜劇天分，問到有否參考喜劇演員如周星馳的電影？他說：「我好鍾意睇佢啲戲，不過冇佢咁犀利！」