阿Sa未婚懷孕天賜禮物

前晚阿Sa、藝人李治廷和歌手洪卓立等一同現身中環一男裝時裝活動。Sa現身時眼紅紅，透露十多歲的愛犬再度入院，令她擔心得徹夜難眠，她說：「抱佢入房又唔肯瞓、周圍行，最後我惟有出廳陪佢瞓，今早（前日）9點就入院，今年入咗院幾次。（寵物都咁擔心，將來有BB點算？）都有諗過，今日做嘢都係咁打去醫院問，仲差啲同媽咪鬧交。（將來會係緊張媽咪？）都係，要調節心態先。」

「到時生開又會想生」

問阿Sa有否打算跟男友陳偉霆考慮生BB？她笑言：「會生啩，到時生開又會想生。」但她稱與男友正值拚搏期，暫未有生育計劃。下月便31歲生日的她，更預告40歲才生B：「仲有10年時間。（未婚懷孕？）最好唔好，要一步一步嚟，但如果真係咁唔小心，就當係上天賜嘅禮物。」她又自爆經理人霍汶希問她生日可否不放假，她笑言要看工作酬勞而定。另外，提到何哲圖出任新成立的附屬公司「星夢娛樂有限公司」的行政總裁，阿Sa表示：「一個節目可以成就一班人嘅夢想，而且佢哋（星夢幫）捱咗好多年，依家會多咗機會。（怕唔怕分薄機會？）唔擔心。」

陳偉霆	洪卓立（右起）、阿Sa、李治廷、梁漢文及黃偉文昨獲邀出席時裝活動。	阿Sa眼紅紅自爆愛犬入院，更因而難以成眠。

李治廷冇送冰冰鑽戒

同場的洪卓立健身後身形明顯健碩不少，而李治廷被問及其緋聞女友范冰冰早前收神秘鑽戒一事，他斬釘截鐵說：「唔係我送，係送都送歌啦，用心做嘅歌唔係用錢買到！」他不諱言會飛北京會伊人，但不會八卦對方收鑽戒一事，提到冰冰的另一緋聞男友經理人穆曉光，是否不怕要拗手瓜？他口快快說：「李小龍呀？講笑。（未驚過？）戀愛唔係競賽，唔係鬥輸贏，睇緣分。」

文：名人組