Mandy Lieu 友人遭綁未驚過
名模Mandy Lieu昨出席飛利浦活動，她表示看到高科技家具令買樓意慾提升，希望以智能家具布置屬於自己的家：「雖然裝修新屋好煩，不過都會好享受。」問Mandy距離置業目標還有多少？她笑說：「成日以為自己儲夠錢，去咗睇樓，跟住發覺原來仲差好遠，我嘅dream house好貴。」
Mandy透露也有意在內地置業，以便閒時返當地度假。記者問Mandy有否擔心治安問題？她自爆有同學的姐夫在馬來西亞被綁架：「禁錮咗佢兩日，匪徒喺自動櫃員機攞晒佢啲錢（報警？）有，兩日後將佢光脫脫掉咗去一個地方，好彩個人冇事。」問Mandy會否因此減少返馬國？她說：「唔會，做好安全措施。（依家好打得？）接咗功夫片好啲，不過遇上呢啲事，跑走會好啲。」