諸葛為金叵羅鋪路 揀校網掟過億
一索得男的「薛王妃」諸葛紫岐（Marie），早前自爆對本地父母為子女爭取學位爭崩頭而「滴汗」。原來她與老公薛嘉麟已為「岐麟B」搬出九肚山豪宅，以月租20萬入住金鐘栢舍酒店式公寓作養胎之用。據知，二人更計劃豪擲億元，物色中半山三千呎以上單位，為金叵羅搵個好校網。
去年三月下嫁Neway二太子薛嘉麟的Marie，婚後過着幸福少奶奶生活。現時懷胎七個月的Marie至今仍不肯公開BB性別，不過早前她在加拿大被拍得買男B衫，身邊友人亦指她一索得男，身懷慈姑椗，難怪獲得薛家上下如此厚愛。
20萬月租暫住栢舍
原本Marie與老公在九肚山豪宅共築愛巢，但為迎接BB在「聖誕檔期」出世，最近Marie秘密跟老公由九肚山搬到港島區，入住謝霆鋒、周迅曾分別居住的金鐘栢舍酒店式公寓。
日前Marie以升cup真空姿態出席完活動後，由兩名助手護駕下乘七人車離開，不過卻未有返九肚山，反而抵達栢舍，她甫下車見到記者一臉愕然，但亦友善向記者揮手道別上樓。據知，Marie現時以月租約20萬搬到上址暫住，主要目的是方便外出看婦科產檢，又可為囝囝未來鋪路。
據地產界消息透露，Marie近日頻頻與薛嘉麟在中半山區睇樓，更睇過雲地利道、堅尼地道一帶豪宅，首要條件是附近有優良名校網。向來住慣大屋的二人，單位面積至少要三千呎以上，動輒過億元，出手相當闊綽，可見BB未出世已獲他們萬千寵愛。
認睇樓：要時間考察
其實早前Marie出席活動時，已透露本地父母為子女爭取學位競爭激烈而大傷腦筋，她更笑言睇完新聞開始滴汗，並指老公稱「生咗先算」，但原來二人早有計劃。昨日記者致電Marie，對於睇樓一事不願多談，經多番追問才說：「其實做父母時刻都為小朋友着想，我係有睇過吓啲樓，但真係好貴，要多啲時間考察。」
文：專案組
攝：追蹤組