汪圓圓呻婚紗貴 抓Vera Wang攞折

婚期將近的汪圓圓自爆當日穿的婚紗價錢好貴。

準新娘汪圓圓、名模周汶錡、Cara G.等前晚出席品牌活動，國際著名時裝設計師Vera Wang見到圓圓大呼「So happy」和「excited」，但合照後Vera便進場，未有接受訪問。結婚時將會穿上Vera Wang婚紗的圓圓指與Vera好有緣：「我係Irene Wang，大家都係Wang，好有緣。（叫佢再特別為你訂製多套？）至少要六至九個月，唔夠時間。」她更笑言見到Vera Wang會問她拎折頭，因為套婚紗好貴。

提到圓圓早前的bridal shower，圓圓表示一踏進家門，見到朋友穿上粉紅色裙非常開心，更謂家人第一次給驚喜：「家姐係我經理人，話我知嗰日係一個event，媽咪仲寫低喺月曆，但今次媽咪無爆料，其實愈近個party我feel到有啲嘢，但無諗咁多。」

汪圓圓與Vera Wang碰頭，兩人都相當高興。	Cara G.	周汶錡

妹妹拍拖阿媽開心

而同場的周汶錡透露剛與家人到新加坡旅行，慶祝媽咪結婚四十周年，而妹妹周麗淇的男友徐正曦及自己老公均沒有同行。問到媽咪是否好開心兩個女都有着落？她笑說：「媽咪心裏面笑出嚟。（媽咪見過細妹男友未？）無問，等佢哋慢慢拍吓拖先，我就唔急。」她亦透露當年跟老公拍拖，也不是很快帶他見家長。

文：名人組