人氣爆燈的「Cool魔」張智霖（Chilam），穿越時空來到古代，客串老婆袁詠儀（靚靚）主演的古裝劇《龍門鏢局》。與此同時，令人引頸以待的Chilam「寫真集」終於面世及進行預購，有指更掀起炒風！
「Cool魔」張智霖早前為老婆袁詠儀擔演的內地古裝劇《龍門鏢局》客串，其實外間一早就猜測Chilam有機會為該劇補拍賀歲版，最終果然不負眾望，片方昨日率先將Chilam的劇照曝光，眼見Chilam以型爆造型上陣，配以Cool魔的招牌髮型，難怪有粉絲笑指Cool魔穿越時空回到古代。
不過，據知今次張氏夫婦並未獲安排做對手戲，消息一出令不少粉絲大跌眼鏡，幸而，兩人將會有一同出鏡的場面。同劇演員錢芳亦在微博「晒命」，上載與Chilam同靚靚的合照，還留言：「有天能和自己的偶像一起工作！」令人羨慕不已。
另外，Chilam以「Cool魔」為題的圖片集亦同時面世及進行預購，圖片集會限量發行3999套，每套亦印有獨立編號，當中不少靚冧巴的圖片集更出現炒價。
剛加盟蕭定一旗下的Chilam相當識做，一早預留了「0001」給老闆，他說：「佢叫一哥，當然要送0001畀佢！」而唱片公司亦特別預留了「0827」送給8月27日生日的Chilam。Chilam又透露正準備搞簽唱會，揚言要同粉絲來一次親密接觸。
文：音樂組